انا بتفرج على كوه من سنة 1993 يعني من وانا عندي 8 سنين عمري ما كنت من النوع الي ممكن يجري ورا لاعب او يغرم بشخصيته ويتمنى يبقى ليه صاحب او صديق من هذا النوع انا افتكر اني كنت في وسط اصحابي وهما كل واحد بيشبه نفسه بروماريو وبيبيتو وواحد طول شعره وادعى انه كده بقى شبه روبيرتو بادجيو ومع ذلك مكنتش بيجذب انتباهي كده كنت بس ببقى مبسوط اني فاهم في الكوره
النهارده ولأول مره احس اني معجب بشخصية لاعب بطريقه ملهاش حل لاعب ماشاء الله خرج من اطار الكوره بقى عباره عن رمز بفتكر دايما كلمه لوالدتي وهي بتقول لما ربنا بيحب حد بيرمي حبه في قلوب الناس
الشخص ده يبقى محمد محمد محمد ابوتريكه
شخصيه اقرب الى التابعيين والصحابه رمز محترم للانسان المسلم يكفي ان النهارده اتصلو بيه بعد الماتش وبيقولولو مبسوط يا ابو تريكه
رد رد مايردوش غير واحد الدنيا اخر همه قال : ادخال السعاده على قلوب الاخرين شيء نؤجر عليه عشان كده انا مبسوط
بعدها بثانيه سأله هادي خشبه انت ايه اول خاطره جت قدامك اول ما جبت الجون
قال بمنتهى التلقائيه : شفت قدامي منظر جبل عرفه
شخص خلاص بجد تذوق حلاوة الايمان خرج من اطار الكوره دخل بجد في عالم تاني عالم روحاني غير اللي احنا عايشين فيه
افتكرله بعض المواقف :
في ماتش كان بين اصدقاء رونالدو واصدقاء زين الدين زيدان بعد ما اتلعب الماتش عملو حفله واكتشف ان فيها خمره فرفض النزول من مكان السكن الا في معاد الطياره
موقفه لما قلع التي شيرت وكان تحت التي شيرت مكتوب تعاطفا مع غزه
في النهائي من سنتين رفع التي شيرت وكان تحته نحن فداك يا رسول الله
بعد فوز الاهلي على الصفاقسي جاله هدايه من ضمنها 6 مليون جنيه شك في مصدرهم فاتبرع بيهم كلهم
في ماتش الاهلى والاسماعيلي اغمى عليه عشان اداره النادي رفضت انه يحج في السنه دي
في احلى لحظاته وهو بيجيب جون بينزل يسجد لحد لما غانا في اخر ماتش بعد هدفهم الاول الفرقه كلها نزلت تسجد بدون وعي هو ايه معنى الحركه
ماشاء الله على هذا الشخص بجد مثل يحتذى بيه في السيطره على النفس ورفض شهوات الحياه
اعتقد ان محمد محمد محمد ابو تريكه عينه جديده من الناس وجدت في الشعب المصري عشان تغير جواه وتعلمه ان الدين هو اقصر وافضل سبيل للدنيا والاخره
ملحوظه صغيره :
حاولت احط الصوره بتاعته وهو لابس تي شيرت تعاطفا مع غزه او نحن فداك يا رسول الله بس سبحان الله الصوره اختفت تماما من جوجل واكيد لهذا معنى
9 comments:
bgad enta 3andak 7a2 mooooot essha7's da bgad ystahel kol 7'er bgad sob7an allah ana b7ebo mooot 3andak 7a2 aked rabbna by7bo 3ashan kda 7abnna
hwa fe3lan ystahel kol 7'er bas enta nset tben 7aga gamda gedan hya kmyet ettawado3 el3'er 3ade elle feh bgad ana mosh 3arfa ezy 7ad ykon mashhoor awy kda we fe nafs elwa2et ader yt7akm fe nafso we ymna3 ettakobr we y7ot bdalo twado3 3'er 3ade
we yasede ana sha7'sya 3asheqa llektaba fabd7'ol mdwanat ktera we ba3alaq 3aliha
قوم يا وائل اتفرج عليهم على مودرن سبورت هتضرب نفسك على كل ثانيه شجعت فيها الناس دي بس بصراحه ابوتريكه معملش حاجه
أنا والله مليش في الكوره ومعرفش مين بيلعب في الاهلي ومين بيلعب في الزمالك كلهم واحد بالنسبة لي ...بس بجد حببتني في ابو تريكة ربنا يكره دنيا وآخره ويثبته على ايمانه ...:)
المحتاره :
انا اسف للتأخير في الرد نورتي المدونه ويسعدني انك تفضلي تكتبيلي تعليقات
نورتي
واحد :
شفتها للاسف
باتريشيا :
الف حمدللع على سلامتك نورتي المدونه ونورتي النت كله
فعلا شخص جدير بالاحترام
على فكرة أنا لقيت مدونتك بالصدفة
لما عرفت إنك في طب
برضه ؟؟؟؟؟؟؟؟؟؟؟؟؟؟؟
المهم
ياريت أبقى من أصدقائك اللي بجد
صحيح لية اسم المدونة طويل كدة
مصطفى او دكتور مصطفى :
يسعدني ويشرفني اني اكون واحد من اصدقائك بالذات انك زميل كفاح
ومعلش بقا عديها ان اسم المدونه طويل
ياريت تفضل تنورني
طبعا معنديش كلام اكتر من الى قلته انتا على ابو تريكه..ده ابوتريكه ياعم
ملحوظه:الصوره عندى لو عايزها
اشكرك بشده ياعمو انا جبت الصوره
حبيب الكل أبو تريكه
تستاهل كل خير
أحب أقولك على موقف كمان لتريكه الجميل
واحد من مشجعي النادي الأهلي وعايش في المحله ومجنون أهلي بيروح كل الماتشات وراشق في النادي علطول بيقول انه راح لأبوتريكه يطلب منه الفانله بتاعته أبو تريكه ادهالو وادلوا الترننج وبيقول انه طلع من الشنطه فلوس كانو 520 جنيه أبو تريكه خد 20 جنيه وادالو الباقي
Post a Comment