في ناس كتير فعليا اثرت جدا في حياتي واجب توجيه الشكر ليهم
اولا الاستاذ المحترم ممتاز القط
احب اشكرك بشده لكرم اخلاقك لاستقبالي في مكتبك الضخم وتفننك بشده في اثبات اني كم مهمل لا استحق الحياة وانك شخص منزه وان مصر هي حبك وعشقك الاول
ثانيا الاستاذ المبجل اسامه منير
اشكرك بشده لانك بتحاول بكل ما استطعت من قوه انك تضع اي بنت مش لاقيه طريق الانحراف على الطريق الصحيح ومش بتسكت غير لما بتتأكد انها بقت فتاة ليل او انها ادمت مصاحبة الرجاله المتجوزين
ثالثا الاخ المبجل مذيع برنامج عم يتساون اسمه حاجه عابدون والله مش فاكر
اشكرك من اعماق قلبي على انك بتعطي اللمحه الجنسيه لبرنامجك الديني واشكرك اكتر على حواراتك الدينيه اللتي لا تخلو من ايحاءات جنسيه في كل سؤال مثل هل يجوز الصلاه على الميت ؟
فيكون ردك بمنتهى الثقه يجوز في حاله الطهاره الكامله ولا يجوز بعد ملاقاة الزوجه
فعلا اجابه مقنعه
رابعا وزير الصحه
اشكرك واشكر امك على تأمين مستقبلي
خامسا مدير حسابات المستشفى اللي بشتغل فيها
اشكرك على مجهودك المبالغ فيه على ابتكار كل اساليب الخزوقه المبتكره عشان تخزوقنا
سادسا الاخت نور والاخ مهند
شكرا عشان علمتو الناس الهيافه والتفاهه عشان بجد كانو محتاجنكو
سابعا اسعد مدير امن الكليه عندي
شكرا لتثبيت فكرتي عن امثالك انهم كلهم من احسن شباب مصر
ثامنا الاستاذ احمد عز
شكرا عشان وفرتلنا السكن بأرخص الاسعار
تاسعا تامر حسني
شكرا لجعلي استمتع بجمال ورونق شعر صدرك
عاشرا صاحب اول طلعه جويه
اشكرك على كل ما فعلته وكل ما ستفعله
اعتذر لكل من يستحق الشكر ولم اشكره
5 comments:
هدى نفسك مش كده ياوائل
السلام عليكم ورحمة
الله تعالى وبركاته
انت زعلان اوى بصحيح كده ليه؟
كانت كل الامور دى بالنسبة لك غريبة؟
ماكنتش عارفها ؟ولا كان لسه عندك شك؟
هون عليك ما أنت فيه فلكل شىء نهاية
ودولة الظلم الى نهاية إن شاء الله.
السلام عليكم
العفو العفو
انا جيت متأخرة جدا وكمان في وقت مش مناسب ابدا فسامحني
لكن اقولك على حاجة يمكن تخليك تشكرهم أكتر
ان لولا الفساد ده كله كنا حبينا الدنيا وخلونا من عبادها زيهم فالحمد لله إنهم كرهونا فيها وخلونا عبادا لله فقط
مفيش حاجة بتحصل ملهاش حكمة وملهاش فايدة لينا فكل أمر المسلم خير
وعلى فكرة أنا لا باسمع أغاني ولا مغنيين وأولهم طبعا تامر حسني لكن الولد ده فيه خير وفيه طيبه بس للأسف الدنيا مزغلله عينه لكن بجد ممكن يقلب ويكون انسان كويس جدا فلا تتحامل الا على من خان عهد الله ووالى الأعداء وأصبح منهم
السلام عليكم
والنبى انت قصدك مين بالطلعة الجوية دى
اصل انا فهمى على قدى
هههههههههههههههههههههههههه
سلالالالالالالالالالالام
مش عارف هوة معلش الكومنت متاخر شوية
انما برضة يا وائل باشا هفكرك
بالاغنية الشهيرة للمناضلة شيرين
ماشربتش من نيلها
طب جربت تسب لها
جربت تقول تيت وابو التيت فى شوارعها
Post a Comment