التتر : موسيقى ايدي في ايدك تنتهي بظهور البطل بيقول : انا وائل في بكالريوس طب عندي23 سنه تعاطفك لوحده مش كفايه ثم بعض النحيب................ ينتهي التتر
موسيقة المال و البنون تيت تيت تيت وقالو زمان دنيا دنيه غروره........ وحتى اخرها تتلاشى الموسيقى تدريجيا ثم تدخل الكاميرا بهدوء على ايدين كهل عجوز لا تحتوي اي دبله تدل انه متجوز او حتى اتجوز طول حياته ثم الكدر يوسع يبان وش البطل حواليه مجموعه من الاطفال وهو بيكح ويقولهم هحكيلكو حكاية الشاطر وائل
الكهل : صلو على النبي
يحكى انه في قديم الزمان كان في واحد اسمه الشاطر وائل لما كبر الشاطر وائل قرر انه ناوي يكمل نص دينه ويتجوز ثم يضحك الكهل ضحكه خبيثه ويقولهم عارفين ايه اهم حاجه في الجواز؟
الاطفال في نفس واحد : العروسه
الكهل : كنت عارف انكو هتقولو كدا مش المهم العروسه المهم الشقه وده اللي عرفه الشاطر وئل بعد محاولات نجحت كلها بدليل انه مش خاطب ولا مرتبط اصلا
المهم ياولاد بدأ الشاطر وائل يدور على الشقه و واجه في التدوير المضني بتاعه الكهربائي محمود الحرامي والسمسار محسن والتنين ابو راسين
الاطفال : احكيلنا
الكادر يوسع تاني والكهل بينظر الى الفراغ ويبدأ يحكي ويتذكر منظر الشاطر وائل
راح الشاطر وائل لشارع اسمه زغلول اخر شارع في شارع الهرم يعني ممكن تنط من البلكونه تقع فوق الهرم رأسا المهم شاف الشاطر وائل شقه مساحتها حلوه و بخمسه وتمانين الف جنيه وعشان الشاطر وائل قليط شويتين رفضها بس كان الشاطر احمد ربيع مع الشاطر وائل و اقنعه انها حلوه وتنفع وفعلا وافق الشاطر وائل وراح يدفع العربون للكهربائي محمود اللي كان وسيط في البيع
المهم الشاطر وائل سأل عم محمود هو انا ليه حق في الارض يعني لو العماره وقعت ليه حق؟
عم محمود بضحكه في منتهى الغباوه : لا طبعا بعدين صلي على النبي دي العماره حديد
الشاطر وائل وهو كاتم مشاعره : مش هينفع كلم اصحاب البيت ورد عليه
بعدها بيومين
عم محمود : ابسط ياشاطر وائل ضحكت عليهم ونزلت عشر تلاف
يعني يا فرحتي ادفع وبعد نص ساعه يجيب قرار ازاله وابقى في الشارع
رفض الشاطر وائل محاولات عم محمود انه يسرقو
وانتظر الشاطر وائل والحمد لله وبعد طول انتظار الحديد بقا ب 6100
يعني الشقه اللي كانت بخمس تلاف بقت بنص مليون جنيه
انهارت جميع احلام الشاطر وائل وراح يدور في منطقه في الطلبيه فيصل اسمها كفر طهرمس اي والله كفر طهرمس وكان معاه سمسار اسمه ايه ياولاد
الاطفال : محسن
الكهل : صح ياولاد
محسن ده اخد الشاطر وائل ووراه شوية شقق ولكن بما ان الشاطر وائل راجل براوي رفض عشان المنطقه فيها حميميه مستحيل تلاقيها في اي حته وحاول الشاطر وائل يوازنها بس بردو منفعش
الاولاد : يعني اي حميميه زياده ؟
الكهل : يعني اقرب مسافه بينك وبين جارك نص متر طبعا مش الشقه اللي جنبك قصدي الشقه اللي في العماره اللي قدامك
الاولاد : و وازنها ازاي ؟
الكهل : حسبها ان في ميزه ان ممكن لو المدام بتاعته المنشر عندها خلص ممكن تنشر عند الجيران بس العيب انهم ممكن بردو يسرقو الغسيل
وبردو ممكن لو الشاطر وائل كان نايم والغطا اترفع من عليه ممكن بنت الجيران تشب شويه وتغطيه بدل ماياخد برد بس بردو ممكن بنت الجيران تبقى عكروته وشقيه وتلاقيه متغطي تروح كشفاه
عشان كده بردو رفض الشاطر وائل
الاولاد : طيب وعمل ايه الشاطر وائل ؟
الكامير بتدخل على وش الكهل العجوز كلوس جامد على عنيه المليانين دموع صمت لمدة ثواني صوت المزيكا يعلا تاني وتنهيده طويله من الكهل : ولا حاجه ياولاد اهو مرمي قدامكو وبيحكيلكو قصتو
موسيقى الخاتمه : صوت اجش لشخص يحاول تقليد عبد الحليم وقاعد يغني رااااااااااااح راااااااااااح رااااااااااااح
74 comments:
:)
وسع الله لك
قبل حين كنت ارى أهناك موضوع جديد ام لا ... ولم انتبه الا وانا في اخر صفحه من مدونتك بأول موضوع كتبته ..
سأقول شيئ في النهايه .. تعليقا على هذا الزخم من الصفحات والكتابات والاراء والذكريات
اروع شئ ان يكون المرء صادقا مع نفسه والاخرين
والحياه معركة كل منا وميدانه هو محيطه الذي يعيش فيه .. ولا احد يقدر الله له حياة الا ويعلم انه بقدرها ..
فلا تقبل ان تهزم في معركة حياتك .. خضها بحلوها مرها وازرع في ارض عمرك حتى تجد حصاد جيد في اخرتك.. واعلم انه دوما ودوما تصحبك عناية الله
بالتوفيق والسداد
صباحك ورد يا عم الدكتور
عاوز شقة!!!!!!هههههههه
شقة حتة واحدة!!!!
وكمان كنت بتتكلم في 85 الف...من كام سنة الكلام ده؟؟؟؟
ياعم وائل كبر دماغك بلا جواز بلا شقة بلا عيشة من اساسه
وتحيا جمهوريه مص الانسانية والحرية والحقوق الطبيعية..... ايوه مص مش مصر...الا بالمناسبه......انتا دكتور في ايه!!!!
ودرست طب ليه
مش كنت تلعب كوره احسن؟!؟!؟!!؟!؟!!؟
والتنين ابو راسين
هو التنين ابو رأسين ده وصلك يا دكتور
يا لهوى على شباب بلدى اللى ضاع وراح يا قلبى فى الرجلين كان بدرى عليك يا دكتور
طيب بص ما تحاول فى المدن الجديدة والنبى والله انا عايشه فى القاهرة الجديدة حلوة قوى بس الاسعار بقت نار يا حبيبى نار
عموما اكتوبر حلوة وبدر والشروق والعبور وسمعنى زغروطه حلوة بقى
بدل ما فعلا يجى يوم الاقيك فى العشه وناكش شعرك
مجهودك جميل فى المدونه يا دكتور
خلى عندك امل فى بكره احسن بس لازم تدور عليه انت موش تستناه
تحياتي لك
وائل
ازيك عامل ايه
ويسيدى جواز وشقه وعفش وحياه طويله
لو كنت ناوى يبقى الف مبروك
ولو كنت زى حلاتى يبقى خليك معانا احسن
بس لو لقيت شقه ابقى قولى
ولو ملقتش الكهف بتاعى تحت امرك
هو الحال فيه احسن من كهفك شويه
وتقبل تعليق الزملكاوى
وبعدين جواز ايه مكفايه عليا الزمالك
اقولك يا وائل تعالى هنا شقق حكومة ميه ميه وارخص من كدا تعالى بس وهاجيبلك السمسار بس مش محسن
سلامى
احمد ربنا على التنين ابو راسين انا اعرف واحد طلعله التنين ابو تلات روس
تحياتى ليك يا دكتور وائل
السلام عليكم ورحمة الله وبركاته
د.وائل**
ربنا معاك ومع كل اولادنا. والله احنا عندنا بيت فى الدقى والله يادكتور مؤجر قانون قديم عارف الشقة بكام...خد المفاجأة 12 جنيه !!!اه والله ياعنى المستأجر بيدفع فى السنه144 جنيه!!حتقولى ماهو قديم ..حاقولك من1967وجديد وحلو حتقولى ما انتو خدتو فلوسكو من زمان
حاقولك اوعى تقول كده والا....ولا بلاش
ولاعزاء لاصحاب العمارات المنحوسة(ولو انى ما باحب الكلمه دى)باقول لا عزاء لاصحاب البيوت المؤجرة ايجار قديم
وتقبل تحياتى
norahaty
NB.لىّ سؤال اذا سمحت؟
انت لك شبيه(wael برضه
ولا انتو الاتنين واحد
وتقبل تحياتى مرة تانيةوتالته وووووووو
كفاية كده
salamo 3alikom
wael bgad mat3rafsh ana mda2a ad a bsab e,mawdo3 da l2anna ma3koken feh delwa2t bgad de 7aga sa3ba awy ana mesh 3arfa bsara7a eshabab bgad hatgwaz ezay we lamma bshof 7ad etgawz bsta3'rab bsara7a bos dwar ba2a 3ala qanon gded we edfa3 7oo fe eshar we tab3an 7'aly ahlk ysa3dok mama nawya t3mel kda ma3a e7'waty el welad l2an bgad 7'alas m3adsh ynfa3 ay 7aga tanya we 3ala fekra elbanat btwafe2 elayamde 3ala elqanon elgded da l2an elle hatrfod hatshraf ganb ahlha kteer
bgad ma2darsh a2ol 3'er 7asbya allah wa n3m elwakeel fe de balad we fek ya7osny ba2olha mn kol 2alby ma3lsh ba2a aslk get 3ala elgar7
salamo 3alikom
salamo 3alikom
wael bgad mat3rafsh ana mda2a ad a bsab e,mawdo3 da l2anna ma3koken feh delwa2t bgad de 7aga sa3ba awy ana mesh 3arfa bsara7a eshabab bgad hatgwaz ezay we lamma bshof 7ad etgawz bsta3'rab bsara7a bos dwar ba2a 3ala qanon gded we edfa3 7oo fe eshar we tab3an 7'aly ahlk ysa3dok mama nawya t3mel kda ma3a e7'waty el welad l2an bgad 7'alas m3adsh ynfa3 ay 7aga tanya we 3ala fekra elbanat btwafe2 elayamde 3ala elqanon elgded da l2an elle hatrfod hatshraf ganb ahlha kteer
bgad ma2darsh a2ol 3'er 7asbya allah wa n3m elwakeel fe de balad we fek ya7osny ba2olha mn kol 2alby ma3lsh ba2a aslk get 3ala elgar7
salamo 3alikom
oh sorry etba3at marten
ياحرام صعبان عليا محسن دوختة معاك ياواثل حيطفش منك فى الاخر
اوعى تيأس قاوم لحد الاخر بس المفروض تلاقى العروسة قبل الشقة وتستغلها وتخليها تتدور هيا بدال الدوخة اللى انت فيها دى دة انت كلية طب يعنى وفر مجهودك احسن ههههههه
الله يكون معاك وفى عونك
كفر طهرمس هههههههههه
لأكفر الشيخ احلى كتير
ايه ياوائل انت لسه عندك امل تتجوز
بلاش تشاءم انا حاسة انى ممكن احضر فرحك قبل مااموت
او ممكن اعمل فرح عيالى مع فرحك اهوه توفير برضه
يالاسلام
جميييييييييل جدا جدا جدا
السناريو محبوك قوي
.
.
رغم انها مشكلة ازلية الا انك خلتني اضحك علي همومي والله
عارف يا دكتور اولا اسلوبك فى العرض شيق بيشد الواحد من اول كلمه فى الصعيد الحمد لله مبنعرفش التمليك فبيكون الوضع ايجار واسعار الى حد ما ارحم من القاهره متيجى عندنا فنا
فيه شقق في صحراء مدينة نصر انما أيه تمام
بس تستحمل بقي
عايش في صحرا ومفيش ميه ومفيش خدمات يادوب الكهربا بالعافيه
ولو عايز تجيب عشا تنزل قبل ما تجوع بساعه
عموما أزمة المساكن بتضغط بشده علي أعصاب وجيوب كل شبابك يا مصر
وربنا ياخد اللي كان السبب
أسلوبك رائع
تحياتي
أسلوبك رائع جدا
وفعلا ..
شر البلية ما يضحك
وطول ما امبراطور الحديـ.. قصدي امبراطور الشر موجود
وطول ما الأب الروحي بتاع امبراطور الشر موجود
وطول ما احنا ساكتين
التنانين أمهات راسين مش هتلاقي حد يقولها تلت التلاتة كام
بحب النظرات المستقبليه اللى من النوع ده
على فكره انا اتخيلت برده حياتى فى المستقبل بس مش زى كده خاااااااااالص خالص
وفى الاخر اكتشفت انى غلطانه لانى لازم اتخيلها كده من اللى بنشوفه
بس برضه انا لسه مصاحبه (امل) وبحبها وبتحبنى وهى بتجليى على طول على فكره
ف ياريت تزوك من وقت للتانى
على فكره عجبنى موضوع كلام فى الصميم جدا جدا جدا جدا
you are great
thank you for these lovely words
فعلا شر البلية ما يضحك
أسلوبك تحفة ما شاء الله
أول مرة ادخل مدونتك
تحياتي
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا يااخويا انا هكون ع القناه التانيه
لابسه بدله سوده مقلمه
وكارفت احمر
ونداره فرييم عريض اسود
انا سمسمه 23 سنه
بكالريوس طب
جيل المستقبل
مع تحيات الحزب الوطنى
هههههههههههههههههههههههههههههههه
الشاطر وائل ده غلباااااااان يا عينى
الدنيا ملطشه معه
وحظه ما يعلم بيه الا ربنا
بس اقولك انا
لو معاه واحده بتحبه
ولا يهمها شقه ولا حاجه
وطظ فى اى حاجه تانيه
لو بتحبه صحيح
تعيش معاه حتى فى صندوق كرتون فى الشارع
وقوله يلحق يحجزله واحد
قبل سعر الكرتون كمان ما يضرب فى العالى
اللهم انى بلغت
اللهم فاشهد
السبب الاولانى بتاع سرقة الغسيل ده
مقنع
لكن السبب بتاع البت العكروته ده مش مقنع خالص ياوائل
اول مرة الاقى حد رافض ان يبقى ليه بنت جيران عكروته , ده كل الناس بتدور عليها.
شهيده :
ربنا يكرمك واشكرك جدا على التصفح في المدونه
انا مش متقبل تماما مفهوم الهزيمه بس خايف جدا منه
ادعو الله بجد انه يوفقني ويوفقك ان شاء الله واشكرك جدا على الزياره والدعاء
خايف من الحقيقه :
منور يا معلم
وانا ياسيدي بكالريوس طب لسه في سنه سادسه يعني وناوي ابقى دكتور نسا ان شاء الله
وبالنسبه للكوره ماتخافش انا ولادي كلهم بنات وولاد هيلعبو كوره على امل اي واحد يطلع لعيب عدل ويصرف على البيت ويركبني عربيه مش ابوه بردو
appy :
شباب البلد دي اتفعص تحت الرجلين بس بردو ارجع واقول لا يأس مع الحياه وبردو ما انساش سعد زغلول وهو بيقول مافيش فايده
المهم انا عارف ان المدن الجديده حلو بس غاليه ىاوي
هو انتي مفكره اني مثلا مش لاقي شقه ؟؟؟؟
انا مش لاقي شقه كويسه ومش غاليه هناك فرق وفرق كبير
حسبي الله في دي بلد
misrdream :
اشكرك على الزياره اتمنى ماتكونش الاخيره
ولو على الامل اهو موجود وانا عندي غيره يعني وبص بقا يجي اروحله المهم يجي
ابوحنف الزملكاوي :
منور المدونه عشان تعرف ان الاهلاويه صدرهم واسع بردو وبيتقبلو الضعفاء من الزملكاويه
ههههههههههههههههههههههه
بس بردو الزملكاويه طلعو اهل كرم واشكرك على انك هتاخدني معاك في الكهف
اه صحيح ردا على سؤال الجواز اقدر اقول اني فعلا كنت ناوي وخد بالك اوي من موضوع كنت ده
wanna :
هو هنا دي ضمير الاشاره يرجع على اي مكان ؟
يعني انت ساكن فين؟
محمد :
اولا ياريت تكتبلي اسم مدونتك عشان حاولت كتير ادخل من البروفايل عندك ومش نافع
تحياتي ليك يا باشا واهو كله بيهون والله براسين بتلاته كله حلو
ههههههههههههههههههه
norahaty :
نورتي مدونتي المتواضعه
بس هو ايه في البلد دي ماشي بطريقه محترمه او عادله
الجمله في رأيي الشخصي تبقى لاعزاء لمن يعيش بمصر وممكن تبقى لاعزاء لكل مصري
وردا على السؤال التاني :
اه في واحد اسمه وائل اعتقد انه دكتور بردو
المحتاره :
اشكرك جدا على زياراتك قبل كل شيء
على موضوع الايجار الجديد انا هقبض كام عشان ادفع ايجار 700 جنيه ؟ وماينفعش اهلي يصرفو عليه وانا متجوز هتبقى بجد صعبه اوي يعني ممكن دلوقتي اهلي يجيبيلي شقه بس لما تبقى معايا زوجه وتلاقيني بمد ايدي لاهلي هتبقى بجد صعبه على نفسي اوي وعلى رأيك حسبي الله ونعم الوكيل غير كمان انا مقدر الصدمه اللي ممكن اهلي ياخدوها لما يفضلو يصرفو عليه لحد ما يبقى عندي 30 سنه والمفروض العكس اني انا اللي اصرف عليهم مش عشان هما عايزين فلوس بس عشان يحسو انهم خلفو راجل على الاقل
بجد موضوع يجيب الحزن والشلل واي حاجه ممكن تسبب عاهه مدى الحياه
facemoon :
هههههههههههههههههههههههه
وانا ليه اجيب بنت تدور على شقه ما انا اطلع ناصح وادور على بنت غنيه عندها شقه وياريت جاهزه كمان
الله عليه لما بشغل مخي
ياسمين :
اولا مبروك على النجاح
واتريقي اتريقي حقك طيب بجد اقولك ايه
ههههههههههههههههههه
ممكن طلب :
ممكن احفادي البنات تجوزيهم ولادك اصل السن هيبقى ينفع
صحيح مش هبقى اعزم ولادك على فرحي هبقى اعملو على الديق في المقابر اكتب كتابي وابوس ايد مراتي واتوكل اموت على طول
ادم باشا المصري :
يارب السيناريو يطلع غلط
يامصيبتي وانا بجد هعد احكي للعيال عن اني ماتجوزتش
يارب ياعم يطلع غلط
بالمناسبه دي مشكلة جيل كامل مش انت بس
رئيس جمهورية نفسي :
انا اصلا من سوهاج عمري مازرتها واحتمال يكون والدي عمره مازارها بس انا اصلا منها
وماتخافش انا تكليفي في طب هيجيبني عندو اذا مكنش ابعد انا احتمال تكليفي يجيلي في السودان
الشارد :
اشكرك جدا على الاطراء
وممكن فعلا اتجوز في الصحرا وارعى غنم واغير مسار حياتي بقا الى الطبيعه والحياه البهيميه ( حط ضمه على الباء مش فتحه )والله انا قربت انهار
ههههههههههههههه
خبيب :
انا بحب امبراطور الشر وبموت فيه وبحب ابوه كمان
ياعم مش عارف الاقي شقه وانا ساكت هلاقي وانا بكرههم
هههههههههههههه
يا اخي يلعن ابوهم ولاد كلب بجد حرام بيضيعو جيل كامل من الشباب
ارجع واقول يلعن ابو اللي بيعمل فينا كده
sometime :
بالنسبه للاستاذه امل هي بتجي والله بس ببقا بره بلف على شقق ان شاء الله هيجمع بيني وبينها القر مره
صحيح : اشكرك جدا على التصفح في المدونه واشكرك جدا جدا جدا على كلامك في موضوع كلام في الصميم
نورتي وان شاء الله مش الاخيره
يوكي :
نورتي المدونه واشكرك جدا وان شاء الله ماتبقاش اخر زياره
د/ اجدع بنوته :
الله الله الله عليكي انا ازاي فتتني الحكايه دي
ممكن والنبي اقف وراكي في الكاميرا واقول وانا كمان ؟
هههههههههههههههههههههههه
نورتي المدونه
شيرين :
ادعيله يلاقي بنت الحلال
صحيح
ويلاقي الكرتونه كمان ويلاقي الشارع اللي هيحك فيه الكرتونه
نورتي والاشاطر وائل بيشكرك اوي
بوسي :
كويس انك اقتنعتي بالسبب الاولاني بس التاني افرضي مثلا مثلا يعني ان الناس اللي قدامه مطلعش عندهم بنت الجيران ؟
وخير اللهم اجعله خير طلع ابن الجيران يتسحول بقا الشاطر وائل؟
ماتقلقيش كله مدروس
ههههههههههههههههههههههههه
عارف احلى حاجه انك عايز تتجوز فى زمن الى بيفكر كده بيتعب جدا بس البوست هايل جدا وبالذات السيناريو ولو اتعمل فيلم وثائقى هيبه تحفه 2008
ساكن فى القاهرة اكيد بس الحته اللى باقولك عليها مش عند بيتى دى حته بعدي عنك كدا بيجيبوا فيها المناطق المزاله فسعرها رخيص عن اى مكان لكن بيتى مش هناك اكيد
همممممممممممممم......بتهزر
أكيد بتهزر....انت عايز شقة فى مصر؟؟؟؟؟
أنت ازاى مفهمتش مخططهم الدنئ لحد دلوقتى....
قال شقة قال
:)))))
بجد بجد ربنا يصبرك و تلاقيها....مفيش حاجة بعيد عن ربنا
بوست جامد جدا
تحياتى
ازيك يا دكتور وائل
انا بقى سكنت في كفر طهرمس وشارع زغلول وحسن محمد ونصر الدين ، واخدة فيصل والهرم كعب داير : قانون جديد بقى ..
وعن القانون الجديد مش قادرة احكي ...
من كتر همنا بنضحك
رجعنا تاني لازمة الشقق اللي كانت اختفت بقالها فترة , بس هو الشاطر وائل لازم يكون عنده أمل في بكرة
وجلس يفكر ويفكر حتى نور نافوخه وقرر ان يهب حياته لخدمه الفقراء والمسنين ويدعو الله ان يحرق كل من كان سبب في تعاسته
الخاتمه
قلبي معاك
انت طلبت منى اسم المدونة اتفضل يا سيدى
estraha.blogspot.com
أنت دكتور جامد
يابشا سيبك من الشقق والكلام الفاضي ده ... ماله سكن المستشفى .. آخر لجة ومالوش حل
بس بأمانة أنت عندك مقدرة جبارة على السخرية ... تنفع كاتب ساخر متميز
اول زيارة و انا مع شرين دور على واحدة تحبك بجد
و غير كدة اعمل علشن تحقق حلمك
و لحد ما تحققه افضل احلم
تحياتى
اهلاااابيك
أخبارك ايه .؟؟؟؟
بتذاكر ولا ؟؟؟؟؟؟؟
بوست هايل وفكرة اتقدمت بفانتازيا جميلة
بس انت معاك 75 الف جنيه.؟؟؟؟؟؟؟؟؟؟؟
من أين لك هذا؟؟؟؟؟
تمنياتي بدوام التوفيق
تحياتي........
ليه التشاؤم ده سيبها لله اعمل اللى عليك
وبعدين دى حكاية تقولها لعيال صغيرين برضه؟انت عايزهم يتعقدوا ولا ايه طب سيبهم لما يكبروا ويكتشفوا ده لواحدهم وبعدين مين عارف بكره هيحصل ايه
السلام عليكم
الشاطر وائل والشاطرة رشا وربنا يوفقك
صوت من مصر :
مهو الواحد لازم يتجوز يا باشا انا مابقتش صغير يعني طبيعي اني افكر كده بس على رأي سعد بيه زغلول مافيش فايده
اشكرك جدا على كلامك وعلى الزياره وان شاء الله مش الاخيره
wanna :
عايزني اسكن في مساكن ايواء يا راجل؟
بس صدق شكلها هترسى على كده بجد
صيدلانيه :
انا كنت عايز شقه دلوقتي خلاص انا هعد مع ماما اخدمها وانزل اجيبلها الخضار واظبطلها الشقه و يلعن ابو الجواز على ابو كليه طب
حسبي الله فيهم
نورتي يا دكتوره
حنه :
ازيك ومنوره طبعا
انا ساكن في نصر الدين بس مجربتش غيرها ولو على القانون الجديد فهو صعب اوي بالذات لواحد لسه متجوز يعني لو بعد سنتين قالي بالسلامه اتسوح انا والمدام بردو ؟
بجد الايجار الجديد بيخليك تحت رحمه صاحب البيت ودي مشكله
نورتيني
سنووايت :
المشكله مارجعتتش هي اصلا عمرها ما خلصت
في طقم شباب ضاع مستقبله في البلد دي
ياخوفي اكون منهم
ولو على الامل انا سايبها لربنا
شيماء :
شكلها هترسى على كده
نورتي
استراحه محمد :
شكرا جدا
انا من كنت محتاجا :
على رأيك مالها المستشفى
كبيره
مليانه سراير
لو حاجه باظت بتتصلح على حساب الحكومه
فاتوره الكهربه على الحكومه
اشكرك ياجدع حلتلي المشكله
ههههههههههههههههههه
اشكرك جدا على الاطراء بتاع كاتب ساخر متميز
نورتني وان شاء الله مش الاخيره
رانيا :
اهو الواحد بيدور على بنت الحلال وربنا يوفقني ليه ولو على الحلم والله لو مش موجود كنت هطق من الخنقه والله انا عايش على الحلم دي الحاجه الوحيده اللي بتخليني اقاوم
نورتيني
د/ غنيم :
انا مش معايا دي فلوس اهلى ربنا يكرمهم
وانا يا دكتور لو معايا 75 الف كنت هبقى مدون ده كان زماني عندي عربيه سمك بقا وبتاجر وبضارب في البورصه وبالعب قمار خلاص بقا وصلت يعني
هههههههههههههههههههههههه
اسألك الدعاء
نورت
موناليزا :
لازم احكيلهم كده عشان من نعومة اظافرهم يفضوها سيره من الجواز وسنينه ويعيشو من اجل اي حاجه تانيه بلا جواز بلا وجع دماغ
ولو على بكره بصي على كل الشواهد وانتي تعرفي بكره هيحصل ايه
رئيسة الحزب :
اولا ممكن عنوان الحزب و ممكن تعملولي اجتماع لجنه عموميه طائه تناقشو فيها موضوعي؟
وياريت تجيبي معاكي الشاطره رشا
نورتيني
هههه أسلوب كوميدى عالى أوى _ _ عجبتنى جدا الموسيقى التصويريه _ هه _ بتعبر عن جيل و الله يا وائل _ _ و عجبنى أكتر تعريف الحميميه _ بجد أنا كنت محتار فيها _ أنا اخدت جوله ف معظم مواضيع المدونه تقريبا يا وائل _عجبنى جدا تلقائيتك اللى بتكتب بيها _وعجبنى منطقك ف تناولك لفكرة الزواج و العنوسه ف أحد مواضيعك _ باحييك تانى يا دوك ع الأسلوب الراقى اللى كتبت بيه كوميدية جيلنا السوداء_ زى لون البشر ف البلد اللى أنا فيها_
دكتور محمد :
اشكرك جدا على كلامك الذوق ويارب يرحمنا بقا ويصلح حال البلد دي
نورت
طيب كويس الشاطر وائل معاه يدفع فلوس شقه وممكن الجيران يمدوا ايديهم يسرقوا التلفزيون مش الغسيل كمان
انما فى ناس عندها 35 ومخلصين طب ومش معاهم يجيبوا لا شقة ولا عروسة ولا الهوا حتى
الســلام عليكم ....
اولا سعدنى جدا تواجدى على مدونة حضرتك
وان شاء الله يستمر التواصل لكن بعد الامتحانات
اما بالنسبة لنظرة حضرتك المستقبلية
:
الموضوع بداية ممتاز جدا وعرض جديد للفكرة اللى حضرتك عايز توصلها ..
الأول : صلى الله على محمد صلى الله عليه وسلم
انا مختلفة شوية مع حضرتك فى نظرتك "من يتق الله يجعل له مخرجا" ..وان شاء الله يا دكتور كله هايبقى تمام وتملوا البيت أولاد ويكونوا هما جيل المستقبل
وبإذن الله مستقبنا أفضل واهم حاجة العزيمة والثقة بالله والأمل
وتقبل تحيتى
والسلام عليكم
قطة الصحراء :
انا مش بتبطر على النعمه انا مجرد ناقم على وضع كامل
المشتاقه :
اولا عليه الصلاة والسلام
ثانيا : يسمع من بؤك ربنا
نورتيني
اول زيارة بس ان شاء الله هتتكرر على طول ياوائل
ههههههههههههههههههههههههههههههه
طبععاااااااااااا طريقة العرض وهمية
نيجى للمشكلة
هى فعلاا مشكلة
لكن بجد والله
ربنا بييسرها
بس النية تتظبط
ربنا يوفقك
ههههههههههههه
اسلوبك بجد اكتر من رااااااائع
اول زيارة ليه لمدونتك و ان شاء الله هتلاقيني هنا كتير
بجد الاسلوب جميل جدااااااااااا
تحياتي ليك
مواطن زهقان :
نورت المدونه
شيماء :
اشكرك جدا على زيارتك ويارب تتكرر ويارب النيه تتظبط
اسراء :
يارب تفضلي تنوريني في المدونه واشكرك جدا على الاطراء
ربنا يسهلها على الجميع
وهذا هو حال البلد
تحياتي
أيه يا واد يا وائل الاقبال ع الحياه و التفاؤل ده
انت بتدور على شقه وكمان بتفكر تتجوز
لا ... انت كده حالتك بقت خطيره
لازم اقعد معاك قعده اعقلك واشيل من دماغك الأفكار الهدامه دي
:)
ضحكتني .. وغمتني يا وائل
ربنا يكرمك
قادر يا كريم
ويحنن قلب الناس علينا
:)
يا سلاااااااااام
تعرف يا شاطر وائل
انت مش شاطر و لا حاجة
احنا كان إيه اللي دخلنا طب دي يا بني
دي جزاة أي حد يدخل طب يا ولدي
طريقك مسدود مسدود مسدود يا ولدي
و ربنا يسترها
و أقم الصلاة
حلوة حكاية التنين ابو راسين دي
عجبتني بصراحه
تحياتي
نانا :
زي ماقلتي هو ده حال البلد
نورتي
انونيمس :
ازيك يا باشا ولا يهمك ياكبير خلاص اصبحت متشائم وكفايه اوي عليه احمد ربيع وعلى وعزت والشاعر مافيش احسن من الصحوبيه وولاد كمان مش بنات
هما دول اللي فاضلينلي
دكتور كوول :
على رأيك مسدود مسدود مسدود
نورت
القلب الابيض :
اشكرك جدا على الزياره
تحياتي
هههههههههههههه
جامده يا وائل
بس هوا في كفر طهرمس ده بجد؟؟
في كده بجد؟؟
يعني ده كده و لاالسحليه عدت من جنبه و لا ايه
على العموم نصحيتي للشاطر وائل بعد كده بلاش تشوف حقك
:D
الي اتلاقيه ارضى بيه دي سياسه عالمية مشهنا بس
:D
ربنا يوفقك و مخلي عندك امل الدنيا بمبي
ايه ده ياوائل انت عنست خلاص ولا ايه
ههههههههههههههههههههههههههه
القصه جامده موووووووووت بجد تحفه ماشاء الله
لازم تبتدى تشوف نفسك فى كتابة السيناريو
ضحكتنى و زعلتنى اوى رااااااح اللى فى النهايه
تقريبا معظم الشباب بيسمعها فى ايامنا السعيده دى ما عدا اللى بيلعبوا كوره او بيغنو او بيمثلوا او اذا كانوا حراميه
معلشى بقى هذه هى مصرنا العزيزه اللذيذه ولا عزاء للغلابه اللى زى حلاتنا
بس الله المستعان ان شاء الله تجيب الشقه
وتتجوز ونحضر فرحك كمان
الأمل فى ربنا كبير يا وائل
سلام مؤقت
ههههههه
أنا فعلا مش عارفة أقول ايه التعليق يتكتب في مجلدات بأجزاء وفصول
الشباب مسكين جدا مابقاش فيه أمل ...نظرتك المستقبلية المتشائمة مش غلط
بس أهم حاجة تكون دافع مش لازم نعلق كل حاجة على شماعة الظروف
ومش نبص للأمثال السلبية بس في مجتمعنا وان كان ما أكثرها بهذا الوقت لكن ننظر للأنماط الايجابية
طيب اذا كان الولاد بيقولوا كده أومال البنت ياعيني تقول ايه؟؟؟
وهي بدل ما بقت ست الحسن والجمال إللي مستنية الشاطر حسن
الشاطر حسن بقى مهموم وضايع
شكلنا هنبطل نحكي قصص للأطفال عشان لما يكبروا مايتصدموش
اولا انا اسف جدا للتاخير في الرد
rosa :
اه والله في كفر طهرمس شفتي البهدله اللي وصلتلها رضيت بكفر طهرمس وكفرطهرمس مش راضي بيه
نورتي
داليا محمد :
نورتي المدونه طبعا وبالنسبه لموضوع اني عنست احب اقولك ان ان شاء الله هعنس بالمنظر اللي انا شفته بس فعليا لسه معنستش
وسكرا جدا على موضوع اني افكر في السيناريو بس دراما الواقع نأحت عليه شويه
نور :
انا بسمع دلوقتي مابقتش تفرق معايا اعتقد انها اوقع
وطبعا طبعا طبعا ابني هيطلع لعيب كوره ويبقى من خيرة شباب مصر ويصرف عليه
وماتخافيش لو مخي لسع وخطبت هعمل بوست على المدونه وهعزمكو كلكو
شهرزاد :
المشكله على الولد والبنت
الولد مش عارف يتجوز وبشكل طبيعي البت بتعنس
على العموم ماتقلقيش هنعنس كلنا بأذن واحد احد
نورتي
ربنا يستر ومانبقاش كلنا الشاطر وائل
في عهد مبارك كل شئ جايز
ههههههههه وائل باشا دكتورنا اللي بيدينا امل في بكره
انا ملاحظ اني اخر مره دخلت فيها المدونه معملتش غير الموضوع ده بس ليه كده يا دكتور لعل المانع خير ان شاء الله
عاوز شقه يا وائل والشقه يعني عروسه وعروسه يعني جهاز وعفش ومهر
صعبان عليا حالي
من حقك تحلم يا وائل احلم ههههههههه
تحياتي وعذرا علي التاخير
مصطفى :
يارب امين
نورت
دكتور مودي مودك:
اولا نورت
ثانيا المانع الامتحانات والمذاكره ووجع الدماغ
ثالثا انا خلاص صرفت نظر بلا جواز بلا وجع قلب مافيش احسن من العزوبيه
Post a Comment